4th year ... here We come

dя.яøяø's profile ღ RORO ღ PhotosBlogListsMore

Tools

Help

< Previous Next >

October 11

4th year ... here We come

صباح الفل و الورد و الحيوية والنشاط

أحلى صباح لاحلى زوار ...

اليــــــــــــــوم السبت .. 12/ 10/1429 هــ ... أول يوم في السنة الدراسية الجديدة

يــارب تكون سنة حلوة و ممتعة لكل الطلاب والطالبات ... و ربي يوفقنا و يسهلنا هيا ^^

وأهم شي اخلصو النية لله ... لانو اللي يخرج طالب للعلم ... اجرو زي أجر المجاهد في سبيل الله ليـــــــن ما يرجع

A True Dentist

ppp_126185246_std.jpg picture by sweetidentist

الساعة دحين 8 صباح ... و على غير العادة ... قررو بنات دفعتي انهم يدامو الساعة 12 الظهر ..الشي اللي يضحك اننا ما ندري ايش جدولنا ... ولا اذا كنا حندرس ولا لا ؟! مداومين بس كدا

وكالعادة السنوية .. قررو البنات انهم يجيبو شوكولاته و حلويات ويعايدو الدكاترة ... و زي كل مرة القهوة على ميــن؟! طبعا عليا

وهدي علبة شوكولاته من عندي ... بس ها .. لاتنسو تفرشو اسنانكم بعدها ... عشان لا تسوس

وبعدين تقولو انا السبب

السنة دي ... حاصير دكتورة اسنان حقيقية ... حابدا اعالج مرضى و حركات ... مين يحتاج سمكرة لاسنانو!! ترى مستعدين لتلبية كافة رغباتكم الاسنانية ^^

قبل كم يوم رحت مكتبة جرير ... ولقيت اشرطة مررررة خطيرة عن التنويم بالايحاء ... اول مرة اجرب دي الطريقة ... بس حسيتها مررة جنان

حــاسة اني اتكلمت كتير

أدعولي .. ربي ينولني اللي في بــالي ... و يسهل عليا هدي السنة

و كــل عام و انتــم بخيــر

8:32 AM | Blog it

Comments (6)

To add a comment, sign in with your Windows Live ID (if you use Hotmail, Messenger, or Xbox LIVE, you have a Windows Live ID). Sign in

Don't have a Windows Live ID? Sign up

	«§ويبقـــــــــى الحنيـــن§...wrote: وربي سبيس متعوب عليه يعطيك العافيه مره انبسطه فيه تيك كير Oct. 30
	F A N T A S T I C B O Ywrote: هاااااي ميار كيفك؟؟ ايش مسويه انشاء الله تكوني مبسوطه يارب وكل سنه وانتي بخير وعيدك مبارك بعد الزحمه :) ولك وحشه والله الله يوفقك يارب وتكوني احلى دكتوره اسنان وتعالجي اسناني المسوسه ببلاش :) سي يو سوون Oct. 13
	Mr. AkraM AL ZeaNwrote: جزاكي الله كل خير وبارك الله لك عموما أكيد استفدنا وعجبتني شغلة الناس الي تفرش اسنانها بزمة وضمير للاسف انا منهم يعني يادوبك شهر شهرين الفرشه تنفتك عرفت ايش سبب الانبراد بجد جزاكي الله الف خير والله هالمعلومة ما استفدتها من الدكتور الي اروح عنده مع اني كذا مره سالت السؤال Oct. 12
	Mr. AkraM AL ZeaNwrote: جزاكي الله كل خير وبارك الله لك عموما أكيد استفدنا وعجبتني شغلة الناس الي تفرش اسنانها بزمة وضمير للاسف انا منهم يعني يادوبك شهر شهرين الفرشه تنفتك عرفت ايش سبب الانبراد بجد جزاكي الله الف خير والله هالمعلومة ما استفدتها من الدكتور الي اروح عنده مع اني كذا مره سالت السؤال Oct. 12
	dя.яøяø -wrote: مرحبا خيو تسلم على الدعوة الحلوة طيب بالنسبة لسؤالك ... اهم شي عشان نقلل من نسبة التسوس هوا اننا نستخدم معجون اسنان فيه فلورايد .. دا اول شي وطبعا تفريش الاسنان يكون بعد كل وجبه ... و اول ما تصحى من النوم و قبل ما تنام تاني شي ... نركز على المواد الغذائية اللي فيها كالسيوم زي الحليب و مشتقاته و نبعد عن المشروبات الغازية ^^ تالت حاجة طريقة تفريش الاسنان "اللي هيا انو الفرشة تكون بزاوية 45 درجة و تتحرك من فوق لتحت " لانو في ناس تفرش اسنانها بزمة و ضمير ... ودا الشي يخلي الاسان تنبرد و تفقد قوتها بالنسبة انو الضرس ينكسر ... اتوقع غالبا انو السبب يكون تسوس... بس السوسة دي المرة زكية غالبا تكون بداية التسوس من المنطقة بين الاسنان " مكان ما تتجمع بقايا الاكل" عشان كدا مهم اننا نستخدم الخيط السني لو مرة وحدة في اليوم اتمنى اني اكون افدتك :) Oct. 11
	Mr. AkraM AL ZeaNwrote: ربنا يوفقك يا دكتوره وسنة دراسية موفقة بإذن الله :) عندي سؤال بما انك دكتورة يمكن تعرفي السبب انا افرش اسناني بانتظام واهم شي عندي خلوها من التسوس بس لازم كل سنه اروح اسوي سمكره لها درس مكسور سن مسوس وهلم .. ايش السبب وكيف اقدر اتفادا التسوس بغير التفريش ودمتي بخير يارب Oct. 11

Trackbacks

The trackback URL for this entry is:

http://mayaare.spaces.live.com/blog/cns!AD312727C9F261C8!862.trak

Weblogs that reference this entry

None