dя.яøяø's profile ღ RORO ღ PhotosBlogListsMore  |  Tools Help |
|
October 03 I miss Beeing myselfسلام يا حلوين
من زمان ما كتبت في سبيسي
ليكم وحشة والله
اليوم السبت 14 شوال اول يوم دوام لينا طلاب الجامعة في السنة الجديدة .. ربي يجعلها سنة خير و بركة و يفتح علينا
ما ادري ليه احس الفترة دي من اصعب الفترات اللي تمر عليا
 ادعولي انو ربنا يعديلي هيا على خير
اشوفكم على خير
قرييبا ان شا الله
رورو August 07 I Miss You allسلااااااااااااام يا عسولين
وحشتوني ماااااااااااااااااااااااااااارة كتييييييير
و و حشني سبيسي ماااااااااااااااااااااااااااااااااااااارة
كيف الاجازة ؟؟؟ تحمس صح
الحمد لله خلصنا من سنة رابع و صرنا خامس .. يا سلام
صرنا ناس كبار ... واللي يحمس انو خلاااااااااااااص كلها سنتين و نخلص يا سلام .. يا رب يعديها على خير
اجازتي ما صار فيها اكشنات كتير ... بس اخر شي طلعنا استراحة والحمد لله مرة غيرنا جو
دا اول ما وصلنا الاستراحة
 حوسة الشنط
و سوينا حفلة عشان النجاح و دي الكيكة
 و دا المسبح حق الاستراحة .. مرة مسبح يضحك عمقو 1.5 متر
 هنا قبل ما ننام .. انا و بنت خالتي :)
 واخر يوم عملنا باربكيو من ناحية الرجال ... واحنا ما لحقنا غير الدخاخين:)
 دا كان اخر يوم
وحشتوني مرة
واشوفكم قريب يا رب
محبـــــــــ رورو ــــتكم
 February 20 BACKسلام يا عسولين
كيفكم ؟؟ و كيف الاجازة معاكم؟؟
وحشتوني مرررررررررة
الحمد لله خلصت الاختبارات بحلوها و مرها .. وبدانا اجازة نص السنة .. والله يستر من النتايج بس
اشياء كتير صارت فترة الاختبارات ... الله يمتممها ان كاان فيها خير لنا
دعواتكم
 January 18 befor my Examsاحلى سلام لاحلى زوار
كيف حالكم ؟ و كيف دواماتكم؟ و كيف دنيتكم؟؟
بالنسبة ليا انا بخير و الحمدلله .. باقيلي اسبوع وابدا اختباراتي النهائية... ادعووولي
دا البلوق اباه يكون خرابيش ... واباه يكون مكان اكتب فيه اهم ذكرياتي
زمااان .. لما كان اي احد يسالني : تنصحي احد يدخل طب اسنان؟ كنت اقول لا و بقوة
مرت سنة اولى ... كانت اعادة للي درسناه في سنة تالت ثانوي علمي .. كيمياء و فيزياء و احياء بس الفرق انو هنا بدانا ندرس كل شي بالانجليش
كانت سنة ضياع بالنسبة ليا ... صحباتي كلهم اتفرقو عني ... محد دخل معايا في طب اسنان
فعلا كان شي قمة في الكابة ... الشي اللي صعب الامور بالنسبة ليا .. اني ما قدرت اكون علاقات مع بنات دفعتي
خلصت سنة اولى .. وبدات سنة تانية
سنة تانية اسنان .. ما تفرق كتير عن اللي يدرسوه في تانية طب بشري
بس الفرق عندنا مادة زيادة " دنتل اناتومي " اول مادة نتعرف فيها على الاسنان .. احلى شي في دي المادة كانو الدكتورين اللي يدرسونا هيا
كانو اول ثنائي اسناني نتعرف عليهم ... قالولنا حنفضل معاكم لين سنة رابعة
يالله من تانية لين رابع ... حيطفشوا مننا
احلى شي في دي المادة كان اللاب حقها .. كنا نجلس نشتغل على بلوك شمع و ننحته لين نطلع شي يشبه الاسنان
كانت تجربة مرة مضحكة ... بس مرة حلوة
 جات سنة تالت... اللي الكل كان مخوفنا منها .. " عنق الزجاجة" دا الاسم اللي كان الكل يسميها بيه
كانت سنة دسمة بكل ما تعنيه الكلمة.. كنا في اليوم الواحد ممكن ناخد 6 محاضرات
دوام طوسل .. و ريكوايرمنت لازم نعملها .. و 12 مادة في الترم
كانت فعلا انتحار
مع كدا .. دفعتنا كانت محظوظة .. على حظنا اتغيرت اشياء كتير
الدكاترة اللي كانو مسؤولين عننا اتغيرو .. جو دكاترة جدد ... قلبو الموازين
كانو يعطونا من قلبهم ... و يتعبو معانا .. و يصبروا علينا .. كانوا بيحاولو يعملو اي حاجة عشان محد فينا يدخل دور تاني
دكاترة كتير كنا احنا اخر دفعه يدرسوها .. و دكاترة كتير كنا احنا اول دفعة يدرسوها ... و دكتورة كان حظنا انها تدرسنا .. جات وحدة سنة و رجعت مصر
دي السنة .. على حظنا جانا دكتور اهتم اننا نعرف كل اداة من ادوات الاسنان .. ايش اسمها و كيف شكلها وكيف نستخدمها .. عمل طفرة في مادته .. وبعدها اعتزل التدريس .. اظن كل دا بسببنا
  دي السنة حسيت شخصيتي اتغيرت كتيير .. حياتي اتغيرت كتيير و تفكيري اتغير كتيير .. اولوياتي اتغيرت .. وناس كتييير دخلو حياتي و غيرووها بمعنى الكلمة
رغم انها كانت سنة طويييلة .. و متعبة .. واحيانا مملة ... لكن تبقى وحدة من اهم محطات حياتي
اجي لسنة رابع .. السنة اللي عدا نصها الاول بحلوه و مره
هدي السنة كانت مررررة غير عن سنة تالت .. سنة فضاوة بكل ما تعنيه الكلمة.. كانت تجي ايام نجلس في الجامعة فاضيين 4 ساعات .. كانت فلة بالنسبة لنا .. واحيان نستغلها عشان نخلص ريكوايرمنت
كانت تجي ايام نكون فاضيين و ايام نحس مافي وقت ناخد بريكنا حتى
دي السنة اول سنة نتعامل فيها مع مرضى .. وملفات و اوراق واشياء رسميه .. واخلاقيات الطبيب المسلم
كبرنا و كبرت المسؤولية ..
 دي السنة كمان .. صارت اشياء كتير قلبت الموازين .. مواد في السنين اللي فاتت ما كان ينحسب لها حساب .. صار لها وزنها هدي السنة... والسبب دكاتره يهمهم مصلحتنا قبل كل شي
جونا دكاترة جدد .. احنا اول دفعة يدرسوها ... لسا ما عرفنا انطباعهم عننا ... بس الى الان .. سمعتنا جيدة و الحمد لله
جونا دكاترة اقل شي اقدر اقوله عنهم انهم رائعييين.. بجد عندنا دكاترة خطيرين
على قد ما هم بروفيسورات .. واسماء لها وزنها في المجتمع .. بس يعاملونا كاننا اولادهم .. صبروا علينا مرررررررة كتير
صبروا على تناحتنا في احيان ...و على نسياننا لمعلومات مهمة ... و على اجوبة غبية احيان كتيير .. حتى واحد من الدكاترة طبق علينا واحد من ابيات الشعر
"كأننا والماء من حولنا ... قوم جلوس حولهم ماء "
دي السنة اول سنة نتقابل مع مرضى .. نتصل بيهم .. نحجز لهم مواعيد .. اول مرة نكتشف انو في الدنيا دي ناس محتاجة لدي الدرجة
كل ما اتذكر اول مريضة جاتني.. كنت في حالة لخبطة .. ما عرفت اعمل حاجة .. ادواتي مخربطة و خايفة اعطيها ابرة تخدير .. بس عدت على خير في النهاية
 رغم انو خلص الترم .. احس اني لسا ما اكتشفت سنة رابع على حقيقتها .. بس كان ترم جيد
اتغيرت فيه شويه من قناعاتي
امكن لو احد سالني دحين : تنصحيني ادخل طب اسنان ؟ حاقلو : ازا بتقدر الاسنان كطب .. فاتوكل على ربنا وادخلو
دراستنا مو بالسهولة اللي يتخيلها ناس كتير .. على قولة واحد من الدكاترة " احنا ما نتعامل مع سن مفرد او مع فكين لحالهم .. احنا بنتعامل مع بني ادم بكبره"
اخر شي ابا اقوله ... اشياء حلوة كتيير صارت في حياتي بسبب دراستي لطب الاسنان .. رغم اني احيان باقول .. انا ندمانة اني درستو
بس بعد كدا ارجع واقول .. حياتي مستحيل تكون في مكان غير هنا
مشاعري يوم 17-1-2009
قبل الامتحانات النصفية لسنة رابع باسبوع
دعواتكم لي بالتوفيق والسداد
 December 28 Happy Nwe year يــا رب تكون سنة خيرعلى جميع المسلمين
يا رب تتحقق كل امانيكم و احلامكم ... و يا رب يرزق كل واحد اللي يتمناه .. و يسعده في دنيتو و اخرته
شكرا لكل الناس اللي عرفتهم في هدي السنة ... و وقفو معايا .. و غيرو فيا اشياء كتيييييييييير
اتمنى من كل قلبي اني اكون ذكرى حلوة في حياتهم
كل عام وانتم بخير
1430 - 2009 December 25 The Last BBQ 4 us in KAAUسلام يا حلوين
كيف حالكم؟ و كيف الدنيا معاكم؟ و كيف الدوامات والدراسة؟ اللي يدرس يشد حيلو خلاص ما بقي كتير و يخلص الترم الاول
معليش انشغلت الفترة الماضية شويتين .. عارفين دوام و دي السة زادت عندي العيادات .. من جد مافي وقت الا بالقطارة
اممممم
اليوم جيت احكيكم عن اخر باربكيو نعملو في الجامعة ... كان مررررة حلووو و بسطة .. و من جد اللي يدرس في الجامعة و تجيه فرصة انو يعمل باربكيو لا يفوتها لانها مرة حماااااااااس
بدانا نجهز للحفلة من يوم السبت ... انا عن نفسي كنت مرررررررررة متحمسة ... بس بنات الدفعة ما كانو متحمسين لاننا طلعنا من اختبار مررررررة سئ ... بس الحمد لله في النهاية اتحمسو و بدانا نجهز للباربكيو
دي بداية التجهيز .. عملنا ظرف و قطينا فيه
 ووزعنا الادوار و كل وحدة ايش تجيب معاها من البيت
وجا يوم الباربكيو .. يوم الثلاثاء 25-12-1429 هــ .... و كالعادة حطينا اغراضنا في تلاجتنا الجميلة
 وبدانا دوامنا عاااااااااادي ... لما جات الساعة 11 بدا الحمااااااااااس ... واقل حاجة تدل على الحماس هيا صورة كلاسنا
 رحنا ورا الكلية و بدانا نجهز الشوايات و اللحم و فرشنا الارض .. بس!! اكتشفنا شي مررررررة سئ
نسينا اهم شي في الموضوع كلو
 الفحم ... لاااااااااااا ... يا فرحتكم يا بنات .. الشي اللي يضحك انو الموضوع جا على راسي لاني كنت اللي منسقة الحفلة ...بس الحمد لله قدرنا ندبر لنا فحم و بدانا الباربكيو
 مرررة حماس ... و الحمد لله كان عندنا خبرة السنة دي و جبنا القاز معانا .. وقدرنا نولع الفحم في اقل من ربع ساعة
عبال ما ولعنا الفحم .. كانو البنات جايبين دونات من كريسبي كريم << اليوم كان كلو تخريب في الاكل .. اللي عمل رجيم لازم يبدا من جديد
 وكان في دله قهوة عربي .. نسيت اصورها :( .. بس صورت الحلا اللي كان مع القهوة
 هدي صورة اول دفعة في الباربكيو ... مرررررة تحمس
  وهدي الصورة بعد ما طلعناه من النار
 على قد ما كانت الدنيا حااااايسة و ملخبطة .. بس حسيت انو كان الز باربكيو اكلتو في حياتي ... مرة كان حلووووووووو
باقي السفرة - خس - طماطم - شيبسات << خاشة عرض هههههه
وصحون تم القضاء عليها << معليش على القربعة ^_^
  و في نص الجمعة الحلوة .. وحدة من البنات اختفى شوزها ... و جلسنا ندور عليه .... و بعدين شوفو فين لقيناه
 هههههههههه
وفي الاخير عملنا مارشميلو ... مرة جنااااان << حسيت كاننا كشافة طالعين في رحلة تخييم خخخخخ
  الساعة 1 كنا مخلصين كل حاجة .. ورتبنا المكان ... و عليكم انكم تتخيلو ايش صار بعد الظهر ... ابتداءا من محاضرة و انتهاءا بمرضى في العيادات .. واحنا دوبنا طالعين من باربكيو
^_________^
تحياتي .. رورو December 11 عيد أضحى مبارك
يااا رب ينعاد علينا و عليكم و على المسلمين بكل صحة وعافية
وكل عام وانتم بخير November 20 دعوة للتفاؤلمن أحلى القصص اللي قراتها
جيري مدير لمطعم ,و هو دائماً في مزاج جيد
و عندما يسأله شخص ما كيف الحال ؟ فإنه يجيبه على الفور “If I were any better I would be twins” العديد من موظفي مطعمه تركوا وظائفهم و انتقلوا معه عندما انتقل إلى مطعم آخر ,و ذلك لكي يظلوا معه لمــاذا؟؟؟ لأن جيري كان يغمر كل من حوله بجو من التشجيع و الحماسة فإذا مر أي موظف بيوم سيء فإن جيري سوف يكون هناك لمساعدته و ليعلمه كيف ينظر إلى الموضوع بشكل إيجابي و بعد رؤية هذه التصرفات منه جعلني افكر.... ثم أسأله أنا لا أفهم,كيف بإمكانك أن تكون إيجابياً كل الوقت ؟؟ :فرد عليه جيري كل صباح عندما استيقظ يكون عندي خيارين استطيع أن أكون في مزاج جيد أو أن أكون في مزاج سيء و أنا أختار دوماً أن أكون في مزاج جيد وفي كل مرة يحصل شيء سيء يكون عندي أيضاً خيارين إما أن أكون الضحية و إما أن اتعلم من الأمر و أنا دائماً أختار أن اتعلم من الأمر و في كل مرة يتقدم أحدهم بشكوى يكون عندي خيارين إما أن أقبل هذه الشكوى وحسب وإما أن أوضح للشخص الجانب الإيجابي من الأمر فقلت له :لكن ذلك ليس بالأمر السهل فرد جيري
نعم إنه أمر سهل إن الحياة بشكل عام تتعلق بالخيارات و إذا اختصرت المواقف التي تمر معك فإنك سوف تجد أنها في النهاية تكون عبارة عن خيارات فأنت تختار كيف تكون ردت فعلك في موقف معين وكذلك تختار كيف سوف يكون تأثيرك على الآخرين و تختار أيضاً أن تكون بمزاج سيء أو جيد و بالنهاية فإنه خيارك كيف تحيا حياتك سمعت بأن جيري قد قام عن غير قصد بشيء لن تتخيله في عالم المطاعم و هو أنه قام بترك الباب الخلفي للمطعم مفتوحاً و بعد ذلك في الصباح .. تعرض للسطو من قبل ثلاثة لصوص و بينما كان جيري يحاول أن يفتح لهم خزينة المطعم ارتجفت يديه من الخوف و قام بإدخال الرقم السري بشكل خاطئ مما سبب بإطلاق الإنذار فارتعد اللصوص و اطلقوا النار على جيري و لحسن الحظ فقد تم اسعاف جيري إلى المشفى و بعد جراحة استمرت 18 ساعة و أسابيع من العناية المشددة خرج جيري ومازالت في جسده بعض الطلقات و بعد 6 أشهر التقيت جيري مصادفة و عندما سألته عن حاله أجاب “If I were any better I would be twins” ثم أضاف هل تود رؤية ندبات الطلقات التي خلفها الحادث و طبعاً رفضت رؤية الندبات و لكني سألته ماذا كان يجول في عقلك عندما تعرضت للسطو بأنه كان عليه اقفال الباب الخلفي و بعد أن اطلقوا علي النار ووقعت على الأرض تذكرت أن عندي خيارين إما أن أموت و إما أن أعيش و قد اخترت أن أعيش
ماذا فعلت ؟؟
أجاب لقد كان هنالك ممرضة ضخمة تصرخ علي بالأسئلة........هل هنالك شيء تتحسس منه هل تتحسس من شيء معين؟؟؟ فأجبت نعم!! في أثناء ذلك توقف الأطباء و الممرضات عن العمل بينما انتظرو إجابتي أخذت نفساً عميقاً و صرخت....... الطلقات!! ثم قلت لهم لقد اخترت أن أعيش أرجو أن تجرو لي العملية الجراحية قبل أن أفارق الحياة . لقد نجى جيري و الفضل لله ثم ليس فقط للأطباء الذين أجروا له العمل الجراحي و لكن الفضل أيضاً لنظرته للحياة و قد تعلمت منه ذلك ففي كل يوم عندك الخيار إما أن تستمتع بحياتك و إما أن تكرهها و الشيء الوحيد الذي تملكه حقاً و الذي لايستطيع أي شخص أن يأخذه أو يتحكم به هو .
.
.
.
نظرتك للحياة فإذا تمكنت من الاهتمام بذلك كل شيئ سيصبح اكثر سهولة  دعواتكم لي بالتوفيق
رورو November 16 عنــدما أصبحت جزءاً من حياتيمرحبا يا حلوين
كيف حالكم ؟؟ وحشتوني مرة كتير
اسفة .. حاضطر انقطع عنكم لفترات .. عشان بدانا الجد في الجامعة .. عارفين كيف الوضع .. صرنا مو بس مسؤولين عن نفسنا .. صار دوامنا يرتبط فيه مرضى .. ودراستنا واجتهادنا مسؤولين عنها قدام ربنا عشان خاطر الناس اللي تحت يدنا و سلمونا نفسهم .. ربي يقدرنا ونكون قد المسؤولية
اممممم .. في كزا حاجة ابا اتكلم عنها في دا البلوق .. مني عافة ابدا بايه ولا ايه .. واخاف الناس تطفش مني و تقول كلامي كتير ههههه
يوم الخميس اللي فات طلعت رحلة رصد فلكية لكوكب المشتري و الزهرة .. كان الحمااااااس
بصراحة الرحلة كانت مررررررة خطيرة .. يكفي انو فيها جربة احساس عبادة عظيمة كنا ناسينها و هيا عبادة التأمل
هدي الصورة لكوكب المشتري بالتلسكوب
 وحدة من الاشياء اللي تميز كوكب المشتري انو له اكتر من 60 قمر ... اتخليو بس
واشهر هدي الاقمار .. 4 اقمار معروفة باسم " اقمار جاليلو" ويسموهم : كاليستو , ايو , جيناميد و اوروبا
الكوكب التاني اللي عشقتو فعلا هوا كوكب : الزهره
 ميزة كوكب الزهرة انو هوا المع نجم في السماء ... اللي حلو فيه انو قرييييييب مننا و يبرز قربه لنا باضاءته المميزة فعلا
كوكب الزهرة او فينوس كان اسم الهه الحب والجمال عند الرومان ... و كان اسمها عند الاغريق افروديت
هدي صورة لفينوس و افروديت
 بما اننا جبنا سيرة كوكب الزهرة .. اظن انو اغلبكم قرا كتاب .. الرجال من المريخ و النساء من الزهرة
تعرفو ليه قالو الناساء من الزهرة ؟؟ من الاشياء الي تميز كوكب الزهرة درجة حرارتو العالية .. و غير كدا حولينو سحب تحجب الرؤية عن داخلو ... و الضغط الجوي فيه مررررة عالي ... و الكوكب مرررة سام اللي يدخل فيه على طول يموت .. يفكركم بمين ؟؟ بالمراه صح ههههه
ما ابا اتكلم اكتر من كدا عن الكواكب ... بس صدقوني عالم الكواكب عالم مررررررة بديع ... ومن جد اتمنى كل الناس تعيش متعه التامل اللي انا عشتها
موضوع بلوقي التاني .. هيا قصة .. او اقدر اقول انها رسالة .. او خربشة .. ما اعرف
بدات اكتبها من شهرين تقريبا ... سميتها
" عنــدما أصبحت جزءا من حياتي"
كتجربة قصصية .. اعتبر دي القصة اول تجربة فعليه لي في كتابة القصص .. لاني كتبتها بكل مشاعري .. واستخدمت فيها اسلوب جديد و مختلف عن شخصيتي تماما
كانت لي تجارب قبل هذه القصة .. بس كلها كانت قصص خيالية وبعضها كانت قصص اجتماعية .. لها هدف من كتابتها
بس قصتي دي المرة .. ما اعرف ايش اقول عنها ... بس اقدر اسميها مذكراتي ... مع كثيير من الامل اضفتو فيها .. لسبب واحد بدات اؤمن بيه .. وهوا
احنا اللي بنقرر حياتنا كيف تكون .. نقدر نقرر اننا نكون ايجابين او سلبين ... كلو بايدنا
لما نصحى الصباح نفكر انو ربنا اعطانا فرصة انو نعيش يوم جديد .. نزيد من رصيدنا ... ننفع نفسنا ... و ننفع غيرنا ... و نكون ذكرى في نفوس ناس كثييير يتزكرونا بعد ما نموت .. هذه نعمة لحالها .. تستاهل اننا نبدا يومنا بابتسامة
حتسالوني .. فين القصة اللي بتتكلمي عنها ؟؟
القصة ما زالت في طور الكتابة ... و لسا محتارة في نهايتها
اتمنى اني انهيها بنهاية سعيدة ... بس اخاف الايام تعارضني و تخليني انهيها عكس كدا
القصة دي .. هيا قصتي مع انسان غالي و عزيز عليا ... اتمنى في يوم انو يقرا قصتي
واتمنى انو يقرا كلامي ... و يعرف اني لسا اثق فيه .. واعتبرو قدوتي في الدنيا دي
اتمنى انو يبقي صورة الانسان الكامل اللي رسمها ليا في عقلي ...امنيتي الوحيدة اني اشوفو دايما مبتسم و متفائل.. و اقلو
When You Become a Part of my life , You change Me alot
اعرف انو ناس كتير حتنتقدني على تصرفي دا ... بس في حاجة انا كنت اقولها و ما زلت اؤمن بها ... و هيا اني اتصرف التصرف اللي احس انو هوا الصح ... و دي دلالة قلبي
  دعواتكم ليا بالتوفيق و السداد
RORO November 07 happy birthday my spaceمساءكم سكر و جمعتكم مباركة
كيف حالكم يا طعمين
وحشني سبيسي ماااااااااارااااااا
ادعولي الاسبوع الجي حابدا اختبارات نصفيه ... مررررررة شايلة همها ... و طبعا من بداية الدراسة ما زاكرت شي .. يعني جبت العيييييد
اليوم وانا اتصفح سبيسي اكتشفت فجاة انو اليوم 7/11 يصادف مرور سنة كاملة و 4 شهور على افتتاح السبيس
^
^
بدري افتكرت
 سنة كاملة مليانة احداث و مغامرات كتبتها هنا
اتمنى انكم استمتعتو بيها .. عشتو معاها .. وابتسمتو معايا .. و اتمنى من كل قلبي انو كتاباتي كانت خفيفة على قلوبكم
 محا انكر انو سبيسي كان لو فضل كبير عليا اني اعرف ناس روعة و غاليين على قلبي بعد ارادة ربنا
اتمنى من ربي انو يبقينا مع بعض على طول و ما يفرق بيننا ابدا ... عارفة اني لو كتبت عنهم محا يكفي بلوق واحد اني اعبر فيها عن مشاعري ناحيتهم لانه بلوق واحد قليل في حقهم
اتمنى انو السنة الجديدة تكون سنة حلوة و موفقة ومليانة احداث سعيدة
دعواتكم لي بالسعادة و التوفيق .. وانو ربنا ينولني منايا
تمنياتي لكم بالتوفيق
د. رورو
 November 04 ღ S W E ET -- N O V E M B E R ღعدنااااااااا من جديد
كيف حالكم ؟ وحشتوني مرررة كتير
غريب عنوان بلوقي دي المرة " سويت نوفمبر " اتوقع اغلبكم يعرف دا الفلم و قصتو الحزينة ... بس انا مرررررة متفائلة بدا الشهر .. فعشان كدا سرقت العنوان
اليوم هوا رابع يوم في شهر نوفمبر ... و ما شا الله الشهر دا كانت بدايته مبشرة بخير .. ويا رب يتوالى الخير علينا
يوم الاحد 2 نوفمبر واليوم الثلاثاء 4 نوفمبر كان عندنا مطر مرررة خطير
بالنسبة لينا احنا اهل جدة من زمااااااان عن المطر ... فلما نزل المطر حسيت انو روحي رجعت لي تاني
اليوم على الساعة 10 الصباح كان عندنا معمل تركيبات ثابته ... و اكتر من نص الدفعة غايبة عشان كانو حاضرين مؤتمر في مكان اخر .. اللاب كان من جد مرررة فلة
فجاة تدخل وحدة من البنات و تقول برا مطر .... يا الله مرررررة حماس
 من الفرحة كلنا طلعنا برا .. و سبنا اللاب للدكاترة ههههههه
دي كم صورة لقطتها في الجامعة
  الساعة 11 خلص اللاب حقنا و طلعو الدكاترة .. وشويا يجوني البنات يقولو يلا نروح المطعم في مستشفى الجامعة ... قلت يلا ايش ورانا
دي صورة واحنا ماشين على الجسر ... و رايحين المستشفى
 الحمد لله يا رب .. اللهم صب علينا الخير صبا
وصلنا المطعم ... و هدي صورة من جلستنا الفلاوية
  بعد كدا رجعنا الجامعة و كملنا دوامنا عاااااااااادي
+++++++++++++++++++++++++++++++++
في قصيدة قراتها قبل فترة و مرة عجبتني ... حبيت انكم تقراوها معايا
القصيدة اسمها
"DAYS WITHOUT YOU"
 I miss you so much day and night
I can't realise why you're gone I just think I treat you right but now I'm again alone  The days without you are so long these days - without your kiss and smile and I don't know what I've done wrong I've been thinking of this for a while A few questions that I need to know - ؟ why does my heart feel so bad ؟why you could ever hurt me so
؟why can't I get you out of my head Now I'm standing here alone with this weight upon my heart wondering why you're gone remembering our feelings from the start In my mind I have all my memories in a range - each moment spent with you is unforgettable but I can't realise what made you change for me this is just un-get-able I know I won't pull trough without you by my side so baby come to me - don't run and hide The only thing I want is to be with you please honey - make my wish come true ؟Don't you know that you make my days count And I'm always happy when you're around
it doesn't matter what we do as long as I'm here with YOU  "ادعولي ربي يحققلي امنيتي ... و يسهل لي اموري و يريح قلبي وينولني اللي اتمنى ... و ربنا يريح قلبكم و يسهلكم كل اموركم دنيا واخره"
مع حبي / رورو
 October 31 One of my dreams has come trueصباحكم سكر يا احلى زوار
وحشتووووني
اليوح جيتكم ببلوق مرررررررررررة حماس
الحـــمــد لله
كنت زمان احلم اني اسكن في كوخ قدام البحر ودا الحلم صار حقيقة يوم الخميس 1/11/1429 هــ
قررت كليتنا الجميلة انو تعمل لنا رحلة لكلية "علوم البحار" لبنات سنة رابع و خامس و سادس والامتياز من الساعة 10 صباحا لين 6 المغرب
في البداية ما كنت متحمسة ... بس صحباتي قالو لما نكون مع بعض حننبسط و نفلها
جا يوم الخميس ...من الحماس صحيت الساعة 8 .. جهزت شنطتي و كل حاجة
وصلت الكلية الساعة 10 .. ولسا ما كان في احد ... فاخدت كم صورة
 وصورة البحر ... يا سلام مررررررة يجنن
 على الساعة 10 و ربع جات العميدة .. و دخلنا .. اول ما دخلنا طفت الكهربا
العميدة قالتلنا : من قوة النور اللي جايها طفت
كبرت راسنا بصراحة هههههه
 الصالة مررررررة كبيرة و تحمس انو الواحد يجري فيها ههه
بعد كدا انطلقنا ... على كييييفنا ... اللي يسبح و اللي يمشي و اللي ياكل و اللي يلعب واللي يتحكى ... الجو بصراحة مرة كان جنااااااااااان
ما صورت غير البحر ... رغم انو كان في صور تانية ممكن اصورها .. دوبي بدات ازعل اني ما صورتها
بس يلا معليش .. المرة الجية ان شا الله
  هدي صورة المرسى .. في الصباح
  على الساعة 3 تقريبا اتغدينا .. و بعد كدا بدات حالة الجنان
بنات سنة خامسة استلمو المايك ... و بداو يغنو و يرقصو واحنا سنة رابع الجمهور المشجع
غنو لفرقة واما .. و كل بنت اخدت شخصية واحد من الفرقة و بدا الاستهبال
 بعد كدا نقلو على فرقة ميامي .. و نفس الرباعي المرح ههههه
 الساعة 5 بدا الجو يبرد .. والشمس تغرب
 بصراحة منظر بديييييييييييييييع ... يخلي الواحد يستكن في مكانو و يتامل
الساعة 6 رجعنا بيوتنا ... بعد يوم من افل ايام حياتي
وطبعا بعد ما اتحققت فيه وحدة من امنياتي ويارب تتحقق كل امنياتي و امنياتكم
اليوم جمعة .. و عودة للواقع ... عندي اختبار يوم الاحد .. و مرضى ادور عليهم .. و اسنان ادور عليها هههه مرة نكد
دعواتكم
مع حبي / رورو
October 28 انــا و دفعتي و جامعتي .. حيــاتنا غييرصباحكم / مسائكم حب و وفاء و جمال
كيف حالكم ؟ و كيف الدوامات؟ و الدراسة ؟ يارب كل شي يكون ماشي تمام التمام
بالنسبة ليا .. لين دحين ما اعتبر نفسي بدات في الدراسة من جد .. اغلب وقتي ضايع اما ادور على اسنان طبيعيه مخلوعة في عيادات الاسنان ولا ادور على مرضى من غير اسنان عشان نعمل لهم تركيبات متحركة
 واليوم من كتر ما يئست فكرت اعمل اعلان في الاذاعة " اللي يبا طقم اسنان يجينا في مستشفى الجامعة واحنا نعمل لو الطقم ببلاش " ههههه مرة حالةمن المواقف المبكية اللي تصير لنا في مادة التركيبات المتحركة .. انو المريض / المريضة اللي نعملو/ ها الطقم يكون عجوووووز ... ومساكين ياما ناس يكونو مشتغلين معاهم تمام و على اخر السنة يموت المريض .. و بعدين يستلم الطقم كامل من المعمل ... و الدكاترة ما يرضو يقيموه عشان المريض مو موجود
 ادعولي اني ما انحط في مواقف زي كدا " دفعتي " سنة رابعة طب أسنان
اللي تابع سبيسي من اول ما افتتحته حيعرف انو دفعتنا غير عن اي دفعة في الدنيا ... رغم اننا ندرس في وحدة من اصعب اقسام الجامعة .. بس معاهم .. من جد احس اني عايشة حياتي بكل راحة و فلللة
الاسابيع اللي فاتت كنت امر في مرحلة مرة صعبة وقلق عشان في موضوع مرة شاغل بالي و محزني... و من جد احس كل دفعتي وقفت معايا .. اللي يدعيلي .. واللي يحطلي بيرسونال مسج عشاني ... واللي يقلي فكيها و ربك يحلها ... واللي يقلي اصبري .. واللي يقلي لا تزعلي ... و اللي يقلي انا متفائلة خير
هدي كم بيرسونال مسج سرقتها من ماسنجراتهم .. عشان لما تحسو باحباط ترجعو تقروها و تعيشو حياتكم
" اصبر ولا تزعل ترى في الصبر تفريج الهموم .. والليل لو أظلم ترى يشع بدره والنجوم "
"
laugh as much as you breath..  Love as much as you LIVE  .. ..BE with who make you SMILE .. ..DO what makes you HAPPY "" كن جميلا و ابتسم .... للكون تلقاه جميلا "
ايش رايكم بالتضامن بس ^_^
اليوم التلوت 28 شوال .. كان يوم تاريخي في سنة رابعة ... و من أحلى الايام اللي مرت عليا في الكلية .... كان عندنا حفلة "سابع + زواج" سويناها 2× 1 ههههه
احكيكم الحكاية من البداية
بدانا نرتب الاستراحة الساعة 7 وربع صباحا ... و حولنا الاستراحة من شكلها القديم .... النيو لوك مرررررة لزوز ... و ما شا الله كان انجاز اننا نعمل التغييرات دي كلها في واحد يوم
هدا الباب .. حياكم الله
  بعد كدا عملنا كورنر الدباديب مع سلة الشوكولاته حقت السابع
 كل واحد ياخد وحدة شوكولاته بس ^_^
 بعد كدا .. 1 2 3 .. ترررتاتاتاااااااااا
هدي الغرفة حقت الحفلة
    "وعلقنا اسم النونو " تالة
 طبعا الدنيا دي كلها بعيد عن كلاسنا .. عشان كدا اتسللت للكلاس و اخدت صورة خنفشارية .. الكلاس في قمة الفوضى << كانو بيتنا مو كلاسنا
 نسيت اقلكم .. ادارتنا الجميلة فرضت علينا مريول في الجامعة وصار لبسنا الرسمي من سنة تانية لييين سادس بنات و اولاد .. عبارة عن سكرب كحلي و فوقو لاب كوت ... حسيتو مرة زوق اللبس ومرتب و مخلينا كيوت ... كلنا زي بعض .. فيعني لو شفتو اي احد زي كدا .. حتعرفو انو من كليتنا
 انا و وحدة من صحباتي قررنا انو نعزم الدكاترة ....
في الاصنصير من كتر ما كنت متحمسة جلست انطنط ... و صحبتي تقلي يا بنت روقي لا يطيح بينا الاصنصير و ما نلحق الحفلة ههههههههه
وصلنا للدكاترة و عزمناهم ...وفي الاخير وصلنا لاكتر دكتورة نحبها... و عزمناها
قالتلنا ايش المناسبة؟
قلنالها حفلة سابع و زواج
قالت الله مبرووووووك عقبالكم يا بنات
انا كنت عايشة الوضع قلت امييين بكل حماس هههههه
صحبتي صارت تقول لا لا لااااااااا هيا بس انا ما ابا
والدكاترة يتفرجو علينا و يضحكو ... مرررررررة فشاااااالة
بعد كدا رجعنا لمكان حفلتنا
.
.
.
.
.
.
و وصلت عروستنا الجميلة .. وبدانا الحفلة .. ما شا الله
 و دي كيكة السابع
 و دي كيكة الزواج .. عقبالكم كلكم يااااااا رب
 ودي صورة من طاولة الاكل حقتنا .. طلع في دفعتنا ناس تطبخ مررررررة تمام .. حركااااات
  و خلصت حفلتنا بسلام ... و الحمد لله ... يارب تفضل دفعتنا زي كدا على طووووووووول
نسيت اقلكم خبر مرررة جميل ... ان شا الله جامعتنا حتصير معتمدة اكادميا من جامعات امريكا ... ودا الشي اول مرة يصير على مستوى العالم .. الحمااااااس ... واللي يحمس اكتر ... انو دفعتنا ان شا الله حتكون اول دفعة يتطبق عليها دا النظام .. يا سلاااااااام
طبعا دا محا يجي بسهولة ... حيطلع من عيوننا في الدراسة .. ما في شيتات و كل مزاكرتنا من الكتاب .. الله يعييين
اتكلمت كتير اليوم ... بس لازم اكتب كل اللي صار ... لانو من جد يوم مرررررررة يحمس
اتمني من كل اللي يدخل سبيسي انو يدعيلي انو ربي يسهل لي الموضوع اللي شاغلني و يريح بالي ... و يفتح الدنيا في وجهي ... و يسهلي كل اموري
اشوفكم في بلوق جديد .. قريييييييبا ان شا الله
رورو  October 19 ......... Nothingمساءكم عسل
ليا فترة بحاول اني اقلل من دخلاتي وكتاباتي على السبيس ... بس الموضوع باحس انو كل مالو بيصير ادمان اكتر من اول
اللي مشجعني على كدا .. انو بنات دفعتي صارو يدخلو على سبيسي ... و يعطوني رايهم في كتاباتي << ما اعتبرها كتابات اكتر من انها خربشة
اليوم الاحد .. تاني يوم في تاني اسبوع دراسة ... الدوام ماشي زي العسل ... و المواد تقريبا نفس مواد سنة تالت مع تغيير في المسمى او في الستاف
حالتي الصحية مرررة سيئة اليومين دي .. عندي زكمة مرة قوية و صوتي رايح و سخونة ... ونووووووووم - حتى وسط المحاضرات - .. وطول الوقت بندول و اشياء حارة .. وطبعا اضراب عن الاكل
 اللي يضحك في الموضوع .. انو كل الناس بتتصل عليا دي الايام ... واول سؤال يسالوني هوا : سلامات ايشبو صوتك؟؟
والازمة الكبيرة اللي باعاني منها الايام دي .. انو اغلب دكاترتنا رجال ... فيعني نجلس طول الوقت مغطيين ... مرة ازمة << دحين حسيت بقيمة الدكاترة الحريم
هممممممم .. نفسي احكيكم عن اشياء حنعملها هدي السنة
قبل الزحمة .. وقبل ما ندخل في مود الدراسة .. دفعتنا ناوية تعمل حفلة سابع لوحدة من صحباتي .. الحماس
تاني شي عندنا مؤتمر بعد اسبوعين تقريبا
تالت شي حنبدا نقابل مرضى بعد 4 اسابيع
 في حاجة نفسي اعملها ... بس احس اني لو اتهورت و عملتها حاحط نفس في موقف مرة محرج ... بس مشكلتي ما عندي صبر ...ادعولي انو ربي يصبرني و يطول بالي وينولني اللي اتمنى
دعواتكم
October 15 Happy :)سلام يا حلوييييييين
اليوم ربوع اخر يوم في الاسبوع .. يا سلااااااااااام ... الاسبوع دا مرة كان حلووووو الحمد لله
طبعا اول شي واهم شي ما درسنا غير مادتين بس .. مرة يناسو
واليوم دوامنا كان بس من 9 لين 10 ... شايفين الدلع كيف بس
 مرة بسطة ... بعدين جلسنا نتحكى عن اشياء مررررررة كتير .. احس اللي يتكلم كتير يمشي عليه الوقت من غير ما يحسفجاة وانا راجعة البيت جا في بالي اني امر على مدرستي في الثانوية ... مرة وحشتني و وحشوني ابلاتي .. واختي دحين تدرس في نفس المدرسة .. قلت منها يتوصو ابلاتي فيها شويا
 لما دخلت المدرسة .. معرف كيف اوصفلكم الاحساس ... رجعت ورا 4 سنين كل ما امشي في مكان اتزكر حاجة ... كنا نجلس في الدرج وقت الفسحة ... واتزكر الطاولة اللي كنت اجلس عليها ... و اتزكر محل ما كنت استنى .. اتزكر كم مرة بكينا عشان ربع درجة و نص درجة و عشان حنسيب بعض .... مرررة ايام ... دحين صحباتي اللي معايا في الكلية و اللي متزوجة ما شا الله و اللي عندها اولاد ... و اللي تدرس علوم و اللي راحت بعثة ... اه يادنيا
اتزكر نفسي كيف كنت قبل 4 سنين .. كنت انسانه هاااااادية و خجووولة ... و مرة ما اتكلم << اتخيلو في ابلات يتزكروني عشاني ما كنت اتكلم كتير
 ههههههاما اللي صار مع ابلاتي شي مرررررة تاني ... ابلات كتير متزكرين اسمي ... مرة ما تتخيلو قد ايه فرحت ... مرة حلو لما تحس انك ذكرى حلوة في بال انسان
ابلة العربي ضحكتني لما تقلي .. كل ما بنات العلمي يتذمرو من مواد الادبي احكيهم عنك .. واوريهم القصة اللي كتبتيها " كانت اول محاولة ادبية ليا في كتابة قصة طويلة " عشان اقلهم انو بنات العلمي ممكن يبدعو في الكتابة
ابلة التفصيل تقلي اول ما تفتحي عيادة احنا اول ناس نجي عندك ... بس بشرط .. تعمليلنا تخفيض .. قلتلها من عيوني ولا يهمك .. وحدة من الابلات قالتلها لا .. ابلة تدفع و الابلة التانية ببلاش هههههههه مرة يناسو عليهم
 ابلة الاحياء قالتلي دحين لقينا دكتورة اسنان .. نبا دكتورة عظام ... ازا عرفتي وحدة عظام دلينا عليها
ابلة الكيميا تقلي احلويتي ههههههههه
ابلات الفيزياء لما دريو اني طب جلسو يتضاربو مين اللي درستني في تالت ثانوي ههههههههه وفي الاخير قررو انهم يسالوني وانا حكمت بينهم
ابلة الجغرافيا تعرفني عشاني صحبة بنت اختها في الجامعة مرة فلللة
بعدين اعطوني شوكولاته .. قالولي هدي شوكولاته العيد ههههه
 احس رجعت البيت اليوم بنفسيه مرة حلوة ... رغم انو الاسبوع دا جبت العيد في اشياء كتييييييير ... بس لما الاقي ناس تدعيلي من قلبها مرررة ارتاح .. الحمد لله يارب
ربي يكتبلي و يكتبلكم الخير فين ما كان ... ويسهلنا دروب الخير
محبتكم .. رورو
 October 13 A GreAT LifEمساءكم عسل
اليوم الاتنين .. تالت يوم في الدوام ... مررررة الــ حماس .. مو مرة حماس بس برضو حماس
طبعا ولاول مرة في تاريخ كليتنا تعدي 3 ايام بدون ما ندرس حاجة رسميه .. الــ فضاااااااوة
طبعا كان محاضرات تعريفية بسنة رابعة و كيف نتعامل مع المرضى ... و كيف نفتح فايل .. وطبعا التطعيم ضد التهاب السحايا " اظن اسمو كدا " و التهاب الكبد الوبائي
 بس بصراحة موضوع المرضى طلع غير عن اللي كان في بالي ... مررررة يخوف
 .. حتى صارو الدكاترة عارفين اني اخاف من المرضى .. هدا وانا لسا ما شفتهم .. اجل كيف لو شفتهم ؟؟ شكلي حافتح مناحة من اكتر الاشياء اللي تخوف هوا ملفات المرضى ... وانو لازم كل فتفوته نسويها نكتبها في الملف .. الله يستر مرة تخوف المسؤولية
جدولنا الترم دا مرة جيد الحمد لله ... بس برضو نزلت انا مادتين من مواد البشري
... الفلة في الموضوع ... انو طول اليوم ما ندرس غير مادتين .. محاضرة و معمل و لا محاضرة و عيادة ... مرة بسسسسطةاليوم المفروض كان دوامنا يخلص على 2 ... بس فجاة نلقى نفسنا فاضيين من الساعة 12 .. ومحاضرة الساعة 1-2 اتلغت ... عشان كدا قمت صورت لكم كم صورة من ارجاء كليتنا الجميلة
^
^
^
كلو عشان احمس البنات يدخلو كلية طب اسنان
تعالو شوفو معايا
 دي عيادتي .. اللي حاشتغل فيها طووووووول السنة ... في عندي عيادة تانية .. بس نسيت اصورها
المرة الجية اصورها وانزلها ان شا اللهفي حاجة كمان مرررررررررررة اكشن ... عارفة انو محد حيصدق انو دا في كليتنا ... بس حاوريكم و احكمو ^_^
  ايش رايكم بس ؟؟ كاننا في ايكيا ههههه ... دي الاستراحة في كليتنا انعملت السنة دي ... مرررة الفلة .. تخلي الواحد يتحمس انو يداوم
شوفو دي الصورة
 الجسر اللي يوصل بين كليتنا والعيادات و مستشفى الجامعة .. البنات يقولولي مافي شي يحمس انك تصوريه .. ايش اسوي جاتني حالة تصوير و صورتو
وآآآآآخر شي .. بعد لفلفة يوم طويل ...
 شوكولاته من شوكولاين .. هدية من بنات دفعتنا .. كل واحد يدخل السبيس ياخد شوكولاته
قبل ما انسى ... ازا في اي احد يعرف احد يبا يسوي تركيبة كاملة و لا عندو تسوس و لا يبا يسوي تنظيف ... ولا اي شي في الحياة لو علاقة بالاسنان .. ياريت يحولو على مستشفى الجامعة ( بالزات لسنة رابعة ) ... ترى جالسين ندور على مرضى
 حالتنا مررررررررررة تحزنامس الليل حلمت حلم ... اتمنـي انو ربي يحققو ... جا على بالي اني اكتب دي الخاطرة .. وكتبتها في الجامعة مررررة بسرعة .. حتى ما رجعت رتبت افكاري .. اقرؤها زي ما هيا احسن
 إلى أمير حياتي..
البارحة فقط حلمت بك .. سألتك لما زرتني في حلمي ؟! ربما لاني تذكرتك قبل نومي.. وربما لانك شغلت فكري و عقلي "اشتقت إليك .. اشتقت لسماع صوتك .. همستك حينما تهمس في اذني " أحبك أرى فيك فارس أحلامي ... و ضياء حياتي ... و بهجة عمري
في الماضي القريب .. كنت جزءاً من حياتي .. الان أصبحت كل حياتي!!
يسألني الجميع لم أحببتك؟!
أسألهم طيبة قلبه و حبه للناس ... و بذله للخير و تضحيته بنفسه ... جعلني أميرة لحياته .. ألا يستحق مني الحب؟! منح حياتي أجمل معانيها ... وهبني صفاء الحب الطاهر .. أحبني لذاتي .. ولم يشترط شيئاً مقابل حبه لي ... و تسألوني لم أحبه؟؟ يــا رب اجعله نصيبي في الدنيا .. و رفيقي في الآخرة.
مع حبي / رورو
October 11 4th year ... here We comeصباح الفل و الورد و الحيوية والنشاط
أحلى صباح لاحلى زوار ...
اليــــــــــــــوم السبت .. 12/ 10/1429 هــ ... أول يوم في السنة الدراسية الجديدة
يــارب تكون سنة حلوة و ممتعة لكل الطلاب والطالبات ... و ربي يوفقنا و يسهلنا هيا ^^
وأهم شي اخلصو النية لله ... لانو اللي يخرج طالب للعلم ... اجرو زي أجر المجاهد في سبيل الله ليـــــــن ما يرجع
 A True Dentist
  الساعة دحين 8 صباح ... و على غير العادة ... قررو بنات دفعتي انهم يدامو الساعة 12 الظهر ..الشي اللي يضحك اننا ما ندري ايش جدولنا ... ولا اذا كنا حندرس ولا لا ؟! مداومين بس كدا
وكالعادة السنوية .. قررو البنات انهم يجيبو شوكولاته و حلويات ويعايدو الدكاترة ... و زي كل مرة القهوة على ميــن؟! طبعا عليا
 وهدي علبة شوكولاته من عندي ... بس ها .. لاتنسو تفرشو اسنانكم بعدها ... عشان لا تسوس
وبعدين تقولو انا السبب السنة دي ... حاصير دكتورة اسنان حقيقية ... حابدا اعالج مرضى و حركات ... مين يحتاج سمكرة لاسنانو!! ترى مستعدين لتلبية كافة رغباتكم الاسنانية ^^
قبل كم يوم رحت مكتبة جرير ... ولقيت اشرطة مررررة خطيرة عن التنويم بالايحاء ... اول مرة اجرب دي الطريقة ... بس حسيتها مررة جنان
 حــاسة اني اتكلمت كتير
أدعولي .. ربي ينولني اللي في بــالي ... و يسهل عليا هدي السنة
و كــل عام و انتــم بخيــر
|
|
|
